Supsidio pa Mucha

Pre-eskolar

Kòrsou tin mas ku 100 sentro pre-eskolar aktivo ku mester duna formashon na muchanan di beibi pa 4 aña. SIFMA ta sostené e formashon aki ofresiendo estudio (opleiding) riba nivel SBO, Training den e método Highscope, método di opservashon R.O.M.(Registrashon di Opservashon di Mucha), Dokumento O.G.B pa mantené kalidat di servisio di e sentro haltu,  workshop, konferensia i kursonan pa tene e trahadónan pedagógiko up to date na desaroyonan ku ta tumando lugá riba e area di edukashon i formashon di mucha.

Den kaso ku un sentro ta deseá pa sifma krea un workshòp riba sierto tópiko spesífiko, esaki tambe ta posibel dor di hasi un petishon na SIFMA.

Pa informashon mas Amplio di kada kurso o estudio klek riba Akademia.

Pos-eskolar (Aktividat despues di skol)

Tur mucha ku hasi 4 aña pa lei mester drenta enseñansa di fundeshi. Despues di skol, e parti di formashon di muchanan entre 4 pa 12 aña ta kontinuá den sentronan pos-eskolar. Trahadónan pedagógiko den sentronan pos-eskolar tambe ta haña formashon i sosten di SIFMA den forma di estudio SBO, training den e método di Highscope, Opsercashon di mucha, workshop, konferensia i kursonan.

Pa mas informashon di kada kurso por klek riba Akademia.

Nos programanan di supsidio:

• Ta redusí strès finansiero pa famianan 
• Ta promové akseso igual pa tur mucha por haña edukashon i kuido 
• Ta krea oportunidat pa muchanan por krese den un esfera seif i ku ta brinda e sosten nesesario pa kresementu sano di e yu 

SIFMA ta mantené kriterionan transparente, proseduranan honesto i responsabilidat, pa hasi posibel ku e sosten ta bai pa e famianan ku mas tin mester di dje. 

Apliká awor i dal e promé stap pa sigurá futuro di bo yu.