SIFMA ta traha den kolaborashon ku sentro  pre-eskolar i pos-eskolar rekonosé pa nan bon servisio. E partnernan aki ta komprometé pa duna un espasio seif, edukashon balansá i holístiko na kada mucha. Aki ta sigui e lista di tur e sentronan pre-eskolar.

Nos kier empoderá mayornan ku konosementu i tópikonan práktiko. Durante aña nos ta organisá dianan di informashon spesial pa mayornan kubriendo temanan manera:  

• Preparando Bo Yu pa drenta skol di fundeshi– Kiko por spera i kon pa hasi e transishon mas supel posibel.
• Balansá trabou i dediká tempu na e yu – Strategianan simpel pa redusí strès.
• Sostené Siñamentu na Kas – Aktividatnan fásil pa fortalesé loke bo yu ta siña na skol.

Bo no sa kon pa hasi petishon pa risibí supsidio? Nos ta hasi’é simpel pa’bo. 

Klek riba e icon di petishon pa supsidio I yena e formulario di petishon. Huntu ku esaki mester entregá diferente dokumento. Kua dokumento mester entregá ta varia segun kada kaso. Sea konsiente ku SIFMA ta kubri un montante fiho pa luna ku Gobièrnu di Kòrsou ta stipulá. 

Keda pendiente pa e siguiente fechanan:

• Periodo di kòntròl di dokumentonan i informashon di mayornan den kaso ku tin kambio
• Kursonan spesial pa mayornan. Lo risibí invitashon individual
• Kalènder di fakansi pa aña eskolar; Ora ta skohe sentro korda puntra o tene kuenta si nan ta habrí durante dianan di fakansi di skol