Ku esei na mente, SIFMA ta enfatisá ku no ta solamente mayornan ta forma parti den edukashon di nos muchanan. Mayornan ta esnan primordial I prinsipal, pero tur otro persona ku di un o otro forma ta bin den kontakto ku e mucha su formashon, ta keda konsiderá un edukadó. Dosente di skol, naschoolse opvang, mayor di kriansa, voogd, guia den deporte, lider di padvinderij, lidernan di grupo di baile, arte ets ets…tur ta duna un aporte na formashon di mucha i mester hasi esaki di un forma responsabel.

SIFMA ta para pa bienestar di mucha i pa logra esaki ta di sumo importansia pa empoderá edukadónan ku informashon I formashon, pa nan por duna e mihó formashon I edukashon na nos muchanan. 

E personanan prinsipal den un mucha su bida I formashon ta su mayornan. Einan ta forma su identidat i mester sinti’é seif i stimá.Ningun proseso di kresementu serka mucha no ta kana igual I esei port rese su retonan pa ku edukashon I formashon di nos muchanan. Ningun mucha ta bin  ku un manual I pa esei ta di importansia pa partisipá na kursonan ku SIFMA ta organisá pa duna mayornan sosten den esaki pa medio di nos kursonan:

• Kurso Bon kriá
• Kurso Eduká Dediká

SIFMA su grupo di enfoke ta inkluí tambe trahadónan pedagógiko di sentronan pre-eskolar i pos eskolar, ku nos ta ofresé estudionan den kuido i bienestar, entrenamentunan di e metodo Highscope, workshop riba tópiko edukativo, konferensia I hopi mas. Pa lesa mas informashon di kursonan por:

Bo tin un klup di sport, grupo di baile, arte, músika ets. I ta traha ku mucha den grupo? Bo tambe ta parti di formashon I edukashon di nos muchanan. Bo mester di mas informashon tokante desaroyo di mucha o strategianan kon pa anda di e mihó forma ku mucha, apliká serka nos, pa krea un kurso o workshop spesial pa bo lidernan.

A desaroyá e kurso pa mayor aki pa duna mayornan sosten i siña nan hasi uso di algun abilidatnan di komunikashon pa asina por krea un relashon di konfiansa ku nan yu(nan). Durashon di e kurso aki ta 11 enkuentro di 3 ora. Na final ta risibí sertifikado di partisipashon.

Informashon di kurso Bon kriá

E kurso ta konsistí di 11 enkuentro ku ta kubri e siguiente temanan:

1. Siña wak bo yunan na un otro manera
2. Partisipá den edukashon di bo yunan
3. Kon pa duna guía na bo yunan;
4.  Siña skucha;
5. Drecha komunikashon ku bo yunan;
6. Siña bo yunan norma i balor;
7. Koregí komportashon negativo;
8. Anda ku konflikto;
9. Anda ku rabia i agreshon;
10. Influensha di skol. 
11.  Evaluashon : e informashon tabata balioso? 

Edukashon i formashon di mucha tin su retonan, pero tambe tin su strategianan aplikabel pa yega na resultado positivo. Si bo tin un grupo di mayor, edukadó i ta interesá pa SIFMA organisá un kurso riba un tema ku ta di importansia pa boso. Aserká nos ku un petishon i nos por hasi esaki posibel. Nos tin un netwerk di profeshonalnan riba diferente area ku por desaroyá un workshop o entrenamentu spesial pa bo grupo.