Registrashon di Opservashon di Mucha (R.O.M.)

Course Overview

R.O.M. ta un instrumento di evaluashon basá riba opservashon ku ta yuda midi e kresementu i desaroyo di e mucha for di beibi te ku 6 aña. E ta basá riba 8 indikadónan klave di desaroyo ku ta prepará e mucha pa un karera eskolar eksitoso.

E dokumento R.O.M. ta basá riba kriterio i investigashon siéntifiko, ku ta hasi su kontenido konfiabel i válido. E instrumento aki ta diseñá pa yuda e trahadó pedagógiko i edukadónan, dokumentá i analisá e siñamentu di tur dia ku ta basá segun wega i eksperensia natural di e mucha, i pa tradusí esei den resultadonan posítivo via instrukshon individualisá i dirigí na e nesesidat di kada mucha.

Partisipashon na e kurso aki ta kosta xcg 200 i ta inkluí 4 anochi di 3 ora di guia kon pa dokumentá i skor den e dokumento, material i tambe coaching den bo sentro. Na final ta risibí un sertifikado.