Apliká pa Supsidio

Duna bo yu e mihó komienso i akseso na un pre-eskolar di kalidat. Pa medio di e Kindplaatssubsidie, mayornan por risibí sosten pa kubri parti di e gastunan di pre-eskolar I kuido di mucha. 

Deskripshon general di e supsidio pa mucha ku SIFMA ta ofresé:

SIFMA ta intermediá na nòmber di gobièrnu di Kòrsou pa pone muchanan entre o pa 3 aña di un forma adekuá na vários sentro pre-eskolar ku ta registrá na Sektor Kultura i Deporte ku ta kumpli ku e eksigensianan mínimo ankrá den e ordenansa (A.B.1997, no 98). 

SIFMA ta koloká prinsipalmente muchanan ku tin mas nesesidat na partisipashon den edukashon pre-eskolar, te kaminda ku mayornan ta bini na remarke pa esaki i ta kumpra e kuponan aki. Pa e sentronan no afiliá, SIFMA ta risibí un kantidat di mucha. Segun kupo ku nos ta risibí di gobièrnu nos por ubiká e yu segun deseo di mayor.

NA KI MOMENTU BO YU TA BINI NA REMARKE PA SUPSIDIO PA EDUKASHON PRE-ESKOLAR?

  • Bo yu ta entre 0-3 aña.
  • Mayor soltero ku ta risibí un salario mínimo. 
  • Mayor ku ta desempleá (deklarashon di ontvanger)
  •  Mayornan ku tin yu rekonosé i huntu tin un salario bruto máksimo di 2 salario mínimo huntu. 
  • Mayor ku tin un desabilidat mental/físiko ku karta di referensia di spesialista o otro instansia.
  • Mayor ku ta den trayekto di SOAW.   (ta risibí ònderstant)
  • Muchanan entre 0-3 aña ku tin un estorbo spesífiko den nan desaroyo abase di konseho di instansia o spesialista. 
  • Mayor ku ta sigui un estudio/ entrenamentu o kurso duná pa un instituto rekonosé.
  • Pa Mayor menor di edat ta rekerí un tutor òf via instansianan ku ta duna guia spesial. 
  • Tur otro kasonan spesial no menshoná.

 

Kon pa apliká?

1. Kompletá e formulario di aplikashon online den e sekshon aki.

2. Upload e siguiente dokumentonan:

  • Akta di nasementu di e yu ( dokumento di kranshi)
  • Karchi di SVB di yu
  • ID/ Sedula di mama/ tutor
  • Mayor ku entrada: slep di salario
  • Mayor ku no tin entrada: papier van geen inkomen (petishon na ontvanger)
  • Studiante: schoolverklaring

Nos tim lo revisá bo aplikashon i lo notifikabu via di email, na momentu ku e keda prosesá. 

Sigurá lugá pa bo yu na un pre-eskolar.

Preguntanan frekuente

Kon largu e proseso di aplikashon ta dura?

Pa apliká pa petishon pa supsidio por hasi esaki den dos forma: Via nos website www.sifmacuracao.com òf por traha un sita ku nos via +599 9 670-2931. Por WhatsApp via di e number aki.

Kon mi ta haña sa ku a aprobá mi aplikashon?

Na momentu di aprobashon fundashon Sifma lo tuma kontakto ku mayor i tambe e sentro pre eskolar di eskoho pa notifiká esaki.

Mi por bolbe apliká si akaso mi aplikashon keda rechasá?

Si, esaki ta posibel teniendo na kuenta ku e kriterianan ku mayor mester kumplí kune pa por yega na remarke pa supsidio.

Kiko ta sosodé si mi situashon finansiero kambia?

Den kaso ku situashon finansiero kambia òf datos personal di mayor mester mèldu esaki na Fundashon Sifma pa asina por evaluá si por kontinua ku e supsidio. Por notifiká esaki na info@sifmacuracao.com

“

Mi kera yama danki na e direktora i personal di sifma pa e ragalo ku mi a risibi di parti di boso. Mi a apresia e eskoho ku mi a hasi tabata e prome material den mi sentro di konatrukshon danki.

AgapeSentro pre eskolar
“

Nos a haña e charla pa mayor ku sifma a organisá dia 26 november 2025 hopi interesante. Danki pa esaki.

Mayornanbishita arko iris
“

Bondia e charla di ayera tabata hopi interesante. Nos di Kiddiecare sigur lo kier sigui bai tipo di Charla nan aki. Pues tur ku boso tin manda 🤣 masha masha danki pa a invita nos.

KiddiecareSentro pre eskolar
“

Mi kera yama danki na e direktora i personal di sifma pa e ragalo ku mi a risibi di parti di boso. Mi a apresia e eskoho ku mi a hasi tabata e prome material den mi sentro di konstrukshon danki.

Grace DaycareSentro pre eskolar

Edukashon. Akseso. Oportunidat - Pa Kada Mucha

Connect

Testimonials

Kursonan

Subsidio

Contact Us

+599 9 738 0362

info@sifmacuracao.com

Registrá awe mes

© 2026. Website built with New Breed.