Outo-evaluashon Guia i Balorá (O.G.B.)

Course Overview

O.G.B ta un instrumento ku sentronan por usa pa midi kalidat di e servisio ku e sentro ta ofresé. E dokumento ta evaluá e 5 siguiente áreanan:

1. Ambiente di siña i hunga
2. Skema di dia
3. Interkashon adulto-mucha.
4. Plania opservá
5. Embolbimentu di mayor.

Metanan prinsipal di e dokumento aki ta pa:

1. Opservá, evaluá i señalá e kalidat di servisio ofresé na muchanan na nivel di grupo òf individual den un sentro pre-eskolar.
2. Determiná kalidat di e sentro pre-eskolar riba un skala di sinku punto.
3. Averiguá riba kua aria e Trahadónan Pedagógiko mester di sosten òf kua otro akshon ta deseabel.

Partisipashon na e kurso aki ta kosta xcg 200 i ta inkluí 4 anochi di 3 ora di guia kon pa dokumentá i skor den e buki, material i tambe coaching den sentro. Na final ta haña un sertifikado.