Dunadónan di Servisio di Kuido i Bienestar ta yuda hende ku aktividatnan di kas, kuido òf kreativo. Por ehèmpel, dunadónan di Servisio di Kuido i Bienestar por sostené hende grandi pa biba na kas mas largu dor di yuda ku limpiesa òf hasi kompra di kuminda.

Dunadónan di Servisio di Kuido i Bienestar por traha tambe pa un organisashon òf sentro di kuido di mucha, yudando ku kuido di klientenan/muchanan, yudando ku alimentashon, limpiesa, preparashon i realisashon di aktividatnan, òf preparando kambernan.

Ademas, dunadónan di Servisio di Kuido i Bienestar ta sostené personanan enbolbí ku klientenan/muchanan, manera kuido informal i mayornan. E hendenan ku e dunadónan di servisio di kuido i bienestar ta interkambiá kuné ta tur diferente, variando den edat, kultura i estilo di bida.

Dunadónan di Servisio di Kuido i Bienestar por hasi hopi tarea independientemente, pero semper nan ta traha bou di supervishon. Bon kolaborashon ku koleganan, servisio na kliente i konfiabilidat ta esensial.

Oportunidatnan pa Karera

E dunadó di Servisio di Kuido i Bienestar por traha den institutonan di kuido i bienestar, kuido na kas, kuido di mucha, sentronan di komunidat, etc.

Transishon despues di Kompletá e estudio

Despues di kompletá e estudio, ta posibel pa progresá pa kualke programa di nivel 3, manera e programa di Trahadó  Sosial denter di e struktura di kualifikashon di Bienestar, e estudio di IG di kuido denter di e struktura di kualifikashon di Enfermeria, òf e programa di Empleado di Servisio di Fasilidat All-Round denter di e struktura di kualifikashon di Servisio.