Bon biní na SIFMA
SIFMA ta ofresé servisio ekselente trahando na bienestar di mucha fortifikando sentronan pre-eskolar, pos-eskolar, mayornan i edukadónan en general.
Vishon
Den un mundu kaminda oportunidatnan no ta semper repartí di forma igual, S.I.F.M.A. ta aspirá na un sosiedat kaminda tur mucha tin mesun oportunidat pa sobresalí i desaroyá su mes na un manera kompleto. S.I.F.M.A. ta kere den konstrukshon di un komunidat ku ta duna mayornan i trahadónan pedagógiko di sentro e hèrmèntnan nesesario pa laga muchanan desaroyá di forma optimal.
Mision
“E mision di S.I.F.M.A. ta pa promové oportunidat igual den desaroyo di e mucha, ofresé kursonan edukativo i relevante na e trahadónan pedagógiko i brinda sosten na mayor i edukadónan.”
Balornan
-
Innovativo
-
Stimulá
-
Dirihí riba solushon
-
Kreativo
-
Ku Rèspèt
-
Aktivo
Huntu nos ta krea un mihó futuro.
SIFMA ta un fundashon ku ta risibí supsidio di gobièrnu, pa duna aporte na mucha i famianan ku mas tin mester di esaki. Nos ta duna supsidio pa e mucha di beibi te ku 3 aña por bai un sentro, nos ta guia mayor, edukadó i trahadónan pedagógiko.
Nos ta transformando edukashon huntu!
Nos ta duna e hèrmèntnan nesesario organisando; charla, kurso, training, konferensia i estudio ku ta yuda mayornan, edukadónan i trahadónan pedagógiko pa edukashon di e muchanan ku ta kontribuí na nan bienestar. Tur loke nos ta hasi, ta ku e meta pa krea oportunidat igual pa kada mucha i ku nan por logra lo mihó den nan edukashon, komo ku esaki nan tin derechi riba dje.
Na Sifma, nos ta traha tur dia pa krea oportunidatnan di desaroyo i lasonan entre mayornan, edukadónan, Trahadónan pedagógiko i muchanan ku ta impaktando nos presente, i lo transformá nos futuro. Nos no ta partner djis ku e hende, nos ta sembrando pa futuro.
Subject Subsidie
E supsidio aki ta pa sostené aktividatnan ku ta duna tur mucha un chèns di desaroyá nan talentonan pa por yega na nan ful potenshal.
Kindplaatssubsidie
E supsidio aki ta pa yuda kubri gastunan di peuterschool pa hasi pre-eskolar i naschoolse opvang mas aksesibel pa mayornan.
Sera konosí ku nos tim
Nos ta un tim dinámiko ku ta duna servisio optimal na tur nos klientenan. Nos ta traha huntu ku organisashon i hendenan pa krea un mundu mas bunita.
“Pa ami SIFMA ta un forma di sembra den e proksimo generashon pa medio di e impakto social ku nos tin awe den edukashon.”
Ruthlin MarthaDirektor Interino
Komo direktor bo tin e responsabilidat pa dirigí i koordiná tur trabou pa logra e meta i mishon di e organisashon, huntu ku e miembronan di e bestür i e personal pa sigura ehekushon di tur tarea i proyektonan.
Komo persona dinámiko i ku un historial di mas ku 20 aña trahando pa SIFMA, awor den e tarea di direktor pa mi ta importante pa ta un lider ku ta inspirá, motivá i ser un ehèmpel pa e otro koleganan.
E miembro di personal di departamento di ofisina di interventora (Bemiddelingsbureau) ta responsabel pa duna supsidio na muchanan menos prudiente na un di e Sentro preeskolarnan na Kòrsou.
Ta intermediá entre mayornan i institutunan di enseñana pa yega na un luga adekuá pa e mucha su e formashon.
Ta partisipá na reunionnan periodiko pa loke ta trata asuntunan di supsidio i ta e punto di kontakto entre mayornan i gerentenan di e sentro preeskolarnan.
Meta di e funshon aki ta pa ehekushon di aktividatnan sekretarial i duna informashon na esnan ku ta hasi un apelashon pa esaki. Aktividatnan sekretarial i organisatorio ta parti di e tareanan di un office manager.
E Kordinadó di Programa di Edukashon ta responsabel pa organisá entrenamentu profeshonal pa programanan di kuido di mucha, kontribuí na polítika di entrenamentu profeshonal i práktiko, garantisá ponementu di partisipantenan, i kordiná aktividatnan di Akademia. Komo un coach di tur kos, e kordinadó tambe ta hunga un ròl aktivo den mehorá e kalidat pedagógiko di servisio i e desaroyo profeshonal di e personal di kuido di mucha den nan área di enfoke (inkluso den situashonnan di trabou kompleho). Komo coach, e Kordinadó di Programa di Enseñansa ta sòru pa e kordinashon i implementashon korekto di polítika pedagógiko na trabou.
Meta di e posishon: Pa kontribuí na e preparashon, desaroyo i implementashon di formashon i programanan profeshonal pa e sektor di kuido di mucha i pa yuda mehorá e kalidat di trabou a traves di coaching.
E Kordinadó di Programa di Edukashon ta responsabel pa organisá entrenamentu profeshonal pa programanan di kuido di mucha, kontribuí na polítika di entrenamentu profeshonal i práktiko, garantisá ponementu di partisipantenan, i kordiná aktividatnan di Akademia. Komo un coach di tur kos, e kordinadó tambe ta hunga un ròl aktivo den mehorá e kalidat pedagógiko di servisio i e desaroyo profeshonal di e personal di kuido di mucha den nan área di enfoke (inkluso den situashonnan di trabou kompleho). Komo coach, e Kordinadó di Programa di Enseñansa ta sòru pa e kordinashon i implementashon korekto di polítika pedagógiko na trabou.
Meta di e posishon: Pa kontribuí na e preparashon, desaroyo i implementashon di formashon i programanan profeshonal pa e sektor di kuido di mucha i pa yuda mehorá e kalidat di trabou a traves di coaching.
Edukashon. Akseso. Oportunidat - Pa Kada Mucha
© 2026. Website built with New Breed.